| _ joly님의 프로필سوير사진블로그리스트 |  도구  도움말 |
|
9월 16일 حمّـــام شاعـــــري :S
: وانتم بكرامه
/ \ /
يوم الإربعاء الي راح كنت توي جايه من عزيمه ومنهد حيلي بل حيل
وكانو هالناس مانعرفهم بل حيل يعني قعدنا انا وأمي بطاولتن بل حالنا
وماعنــدنا شغل الا حشحشه بها الناس الله يعفو عنا
يوم جينا من العزيمه سوينا بريق شاهي وعقدنا نكمل الحش
مير انا عجزت مابي طاقتن ابد قايمتن من الساعه تسع الصبح..
ومير اتفطن للحمّام وانتم بكرامه
خابرين لازم هالتسبح عقب العزايم
لزوم توخير هالخرابيط
شين على الراس وشين على الاظافر وشين على الوجه والعيون واشيائن اخرى كثيره
مير يابختهم الرجال يجي ويلقط ثويبه ويكوي شماغه ويدبتس لم العزيمه ولا هم ولاغم واذا جاء يفسخ ثوبه وينام بسروال وفنيله واذا خربه فرّش اسنانه
وهـ مهوب مثلنا
أمير انقز لم الحمّام
يوم جيت ولعت اللبه
\ / يامصبتي ياخراشي
يا نهااار اسود
اللبه خربانه
وش السوات !!
أبوي نايم ولا يمديه يصلحه وقشلتي هناك مايمدين ازقلبه لحمّامن ثاني
ولله وتطن بالي فووكره واجيب شمعتين وأولعهن واتسبح
قسم ونــــــــاسه وش اقولكم بس انا ان طولت قعدت نصف ساعه
هالمره قعدت ساعه كل شوي اسوي حركه بيدي مره زرافه ومره ذيب ومرتن خشة بنت خالي
فليييته فل مهوب صاحي
أمير يوم مليت ومير اطلع
يوم طلعت اثره منهد حيلي من الوقوف
الله يصلحه الي سوا البانيو
ماحط كرسي وش هالعجز أمير انقز لم سريري وانجطل
وتدق علي رفيزتي وابدى اسولف عليه وعن الحمّام
قالت : خبله انتي بسم الله الرحمن الرحيم ماتخفين منهم يختي الي يسوي هالسوات المشعوذين
أنا طقتن ام الركب
قلتله :طسي بس لاتخوفينن اذا صار الواحد مورد ماهنا الا العافيه
ومير تقولي قصه تشبه قصه قالته " سيرة الحب"
انه هاك الوحده كانت با الحمّام وتغني وماخذه الطرب
يوم رفعت راسه ولا هاك الجن الي يرقصوون
يمـــــــــــــــــــــــــــــه انطمي ياكرهي هالهرج
وبعدين واضح انه فقش اجل يرقصون انا اخبر الجني شفافي وشلون تشوفهم
/ \ /
عقــب ماصكيت السماعه منه
شكيت بروحي ..
يقلون انه الي به جني يبدى يسوي حركات غريبه
: :
انا بلعت العافيه مش مش مش مسدئـه ها الايام مسويه تصرفات غريبه
اولا : فتحت سيبيس ثانيا: بديت اعرف انطق كلمة تشيليز
ثالثا: اقعد ايام وانا ماقلت كلمة((كل تبن
رابعا: بديت اتشوف للدراسه..
هذاالي اذكره
/ \ /
سؤال العدد
سـ1: هل تظنون انه دخلن جني
سـ 2: هل تعتقدون انه من مبطي وانا بي الجني وهذا الي يبي يدخل جني ثاني
وشكرن 9월 4일 بشتاقلكمـ :(
السلام عليكم
مستعجلتن بل حيلن بل حيل
ياطويلين العمر الي كأننا طاش ماطاش قومتن امي الساعه 12 ونص بالليل قالت قومي بنسافر ولمي اغراضتس
انا ماستوعبت الوضع توي قايمه
قلت وش سفره تستهبلين
قالت اخصلي زهبي اغراضتس
يوم شفت والله الدعوه جد وأمير اقمز
يــــــــــاناس عمركم شفتو احد يسافر قبل الدراسبه بسبوع
باللهي هذي سفره
صدز ان خواتي الله يصلحهم توه يخلص نفاساتهم (جمع نفاس)
بس مايصير قسم يعني اجي من السفر وادوام من باتسر
الله مير يحوم سبدهم
لا وبعد وين بنسافر
لم اوربا ياريبه يا ها القاره ملينا منه وربي حامت
وعقبه بنسافر لم موطننا الاصلي افريقيا نسلم على الربع همن نختمه بسوريا
وبنسير على الشرقيه شوي
وبنفطر با لمكه عشان القرموشي
ونحلي بالطايف
ماعلينا أهم همانا بنغير جوو على طاري السفر
عمركم سمعتو احد يسافر لم بنقلادش
الحمد الله والشكر
اختي الي توه طالعه من النفاس قاله رجله بنسافر لبنقلادش
انا اخبر به توسنامي مدري وشسمه
قال ايش قال طبيعه
روحو لم صلاله اقرب
لا والضحكه ان اختي مهيب من عشاق الطبيعه ابد
وانا بعد مثله
يعني باللهي يوم يومين وحنا مالين نبي تسوق نبي شسمه ملاهي شئ ناقز به ونطامر مهوب بحر وطبيعه
يزهق الواحد >>ياللي مقطعتس السفرات حدكم الشرقيه
الموهيم نرجع للسالفه امير اقمز وادور شنطتي
وين راحت اخبره هينا
قالت امي اخذته اختس
تستهبل ذي من زينه وربي تحوم السبد
زهمت علي قلت كزلي شنطتي بسرعه
قالت شنطتس مع رجلي ورجلي بمصر
قالت
اولااااااه يالتي الشنطه
اخلصي جبيلي شنطه صغيره
قالت ماعندي كل الي عندي درابي
وش السوات بالربع
قالت : يمه مالنا الا ناخذ الدربيه ذيك الشنطه
امير نفر البيت فر
عجزنا نلقااااه قسم كأن الأرض نشقت وبلعته
اخيراا رسينا على اننا نحط ملابسنا بشناط حقت الجامعه
إيـــه وابدى ادبتسه
وكل شوي يدخل ابوي زهبتي
وجع هماه نبي نمشى 6 وشهوله العجله
>>عائله البروووود
عاد تو خلصت مزهبه الشنطه وغسلت عباتي
>>>هماكم بتسافرون لم اوربا
هونا
كود تنشف
ودخلت النت قلت بسلم عليكم قبل لااطلع
وابد لاتستحون قولوو وش تبون هداياا <<من شاور ماعطى لاصدز ترى الخير واجد وابو ريالين بكل مكان لدرجه ان باريس فتحت ابو ريالين عشان السياح السعودين
يلااا بطلع قبل لايجي ابوي من الصلاه ويرضن رض
سيو لطر
حـ توحشوني 9월 2일 داااااااااحلمنااا طول عمرنااااا حد يفصّلِنــا
مع قرب ايااام الدراسه والدبتسه
فطنت لأيام الثانوي وحنيت له
من جد يازين المدرسه ويازين ايامه
أيام كنا نقول ((أبلا )) مهوب أستاذه لاا واذا صارت مصريه
لازم دختوره ولا تسان تحقد عليتس
أيام كنا نجاوب وحنا واقفين
أيام كنا نقول وااااااااااااااااااااعاااااااااااليكووووووووووووم الساااااااااااااااااااااااااللاااااااااااام واااارااااااحماتوووووووو اللللللللللللللللللللللللله وبرااااااكاااااااااااااته
شرفتييييييييينا ونورتينا يا أبلاااا عولا ياحلوه يازينه ياست الكل يارود الفل انت العسل واحنا البصل
همن تفرح المصريه تقول كفايه كفايه دحنا كولنا عسل
وهي كاجتن كشرته من الفرح
اخبر وصلنا لم الثانوي وحنا نمط السلام
ههههه اذكر حدا الابلوات فشلوناا
قالت : ياااخزيااه يابنات هذا كبركم وتسلمون كذاا
مابقى شئ وتدخلون الجامعه وانتم كذاا
استحو على وجيهكم
على طاري الابلوات
اذكر ابلت علم الاجتمااااااااع يااااحبيله ذي الابلى من جد عسللل
بس الله يسلحه مهنى شرح يسوي
من تدخل الااااااا مين تطلع وهي سواليف واذا نقزت بحلقه وحدتن دافوره وقالت استاذه اشرحي
قالت هذا الشرح منهجكم كله نقاش
اولاه التسذب ياساف الالفين وسبع ميه عليتس
من بين سواليفه الله يذكره بالخير
كان حدا دروسنا عن العنوسه وهي ذي ابلتنا مابعد اعرست
وشكله مرااااااااا صغير تعطونه 25 با الراحه وعمره الصدزي 30
وتكلم انه ماتعرس الوحده على عمره تعرس اذا حست انه قادره على الزواج ومتطلبات الزوج ومن هالحتسي <<عز الله ما اعرسنا ابدن ابدن
أمير تنقزله وحدتن بثره قالت يعني يا ابلا انتي حد الحين ماصرت قادره
الابلى ضحكت قالت : لا وش منب قادره بس عريسي توه ماطلع من الخياط قاعده افصله على الي ابيه
من عقب كلمته وانا بس اهوجس
بنـــــــــات اولاااااااااااه لو كان الرجل يتفصل
ونااااسه تسان افصله انا
ابيه ملتزم و اخلاق وحبوب وعسل وعربجي شوي بس رومنصي
وبنفس الوقت لبق ومهوب تسذوب بس مهوب هدر كلش يهره علي يعني مثلا اذا قلتله من تحب انا ولا امك
مايصير صدوق بل حيل ويقولي لاااا أمي
يهك على وياخذن على قدر عقلي ويقولي انتي
وأبيه امممم شسمه غني وظيفته بسيطه يعني مثلااا الساعه 2 راجع للبيت عشان مايهف بل حيل
ولاهوب راعي طلعاات مع اخوياه وبنفس الوقت مابيه بيّتوتي وشبعد ايه نسيت الشكل
ابيه طويل اهم شئ عشان نحسن النسل هههههه بس وش يبي يطلع شكلي عنده رقم عشره ماعلينا احس القصيره عشان يحس با الانوثه
وشبعد ابيه حلو بس مهوب جذاب عشان مايناظرونه البنات
وابيه عينه مليانه مهوب مشفوح بنات
وابي اكره ماعنده الدش وان خربه ناظر قناة السودان ^ تهقون كم ذاا راح يكلفن
عمى شكله غااالي أولاه وش ها النشبه
واخاف الخياط مايضبطه
ماتخبرونلي خياطن سنع
لا والضحكه اذا جتس مرأه رجله زين ومستانستن معه
وتجيه وحدتن الله يهديه بلشته وتقوله الله يجزاتس خير يأم محمد عطين رجلتس اسبوع بخيط مثله
لااااااا عااد اذا صار ماركه ذاا شين ثاني
تلقى كل وحده تدق على خويته وتقوله لايفوتس المحل الفلاني مسوي تخفيضات على رجالهم
واذا كان من مصمم هذا عز الطلب تلقااه كشخه وراقي وحركات
واذا كان المصمم لبناني يصير الرجل رومنصي وسيم
ويفتح النفس
انتهى تخيلاتي
وشكرن على حسن اصغائكم
سؤال العدد
1_ لو كان الرجل يتفصل وش مديل الي تبنه لاتقولين مخصر ومن تحت وسيع ترى بحذف ردتس
2_ هل تؤدين تفصيل الرجل ام لاءاا؟؟
3_ تهقون اتخبل مره ثانيه ولا قضب راسي ؟؟
وعفواا 8월 31일 هــلا والله على قــل الكلافه:>
أشكر كل جمهوري العظيم ألي دخل موقعي وزاره وقول لاشكر على واجب
أكيد الكل مستغرب إني حاط تلي سبايس والله يعافي سبايس تون هي إلي خفضتن ها لكلمه وإلا كان علوم وشلون بحفظه
الصدز أنا أول ماشفت السبايس مع أحلم بقربها قلت : أيييييه يا الدنيا أكيد واسطات وحركات مشرف أوب هين ومير مايقصر أحلم وسو الهم وعطوه ذا هديه
^ كل هذا درا في ذهني يوم شفت السبايس حقه :(<<تفكير بزران
ومرتن من المريرات وأنا اهارج قراشيع باالماسنجر
قالت لي دوتس هاللنك افتحيه قلته يا ويختي والله مالي خلق قرايه أنتي شكلس بتصرفينن قولي لي برب ولاشين أزين من انتس تلهينن با القرايه
قراشيع: لا والله يايختي الحشيمه لتس بس هذي مفاجئه
انا في هذه اللحضه قلت أكيد شئ أمكن صورت خطبي ولا شين
ماتدرين كل شئ مقدر
الشاهد يوم فتحت ومير اشهق اخسسسسسسسسس ياقراشيع والله وطلعلس ريش وسويتي موقع يابنت اللذينا :|
اثر الدعوة فري بلاش يعني لغير الناطقين با االعنقليزيه
وهي ذاك الوقت يوم تعطين اياه كانا تونا مخلصين ادبتسه من ها الامتحانات وتنحرا النتائج وقلبي يدفق عسى مايطلعلي صعرور ولا صعرورين خبركم ها الدختروات مايرحمن
وماسألته وشلون يسوا
يون هيصنا ونتصفنا باالعصله ومير تدخل علي نانسي ((SNOW<<غربلتس الله رحت اسوي كوبي لسمس ماعرفت لا اقراه ولا اكتبه وهـ يا زين القصمان بس
إيه مير تدخل على الثلجه :> وهي فرحت ومنا خيره متفتحة من الفرح كأنهم براشوت <<باللهي لاتشبهين قلتله وين الناس ماشالله مالتس حس
قالت انا بسابيسي قلت وش ذا
قالت دوكي (على وزن دوتس)
اثره له موقع
اخس والله اثر حتى بنات منفوحه لهن مواقع
وانا بنت ابو هندي مايمسي الليل ولا تصبح العصافير الا وانا لي موقع وش حيثكن يا الخبول ولا انا تراي طالعتن الأولي با التمهيدي
إيه ومير اسويلي سبايسي
ويا هلا والله ارحبوووووووووووو |
|
||||||
أولا السلام علااااكم
وغير كذا أكيد 
|
|
